Баъзи директорлар бухгалтер ёки бухгалтерия бўлимининг нормал шароитда ишлашини ташкил этиш тўғрисида ўйламайдилар, зарур талаблар рўйхатига қуйидагилар киритилган бўлиши мумкин: компютер, дастурий таъминот, иш столи, иш юритиш материаллари (канцелярия жиҳозлари) ва Интернетга кириш ҳуқуқи. Буларнинг ўзи етарли бўладими?
Бу саволга жавоб бериш учун уни батафсил кўриб чиқиш керак:
Компьютер –У замонавий бўлиши керак, чунки унда 1C ва бошқа керакли дастурлар ўрнатилади. Дастурларнинг узлуксиз ишлаши учун қўшимча қурилмаларни (UPS) ўрнатиш керак. Принтер ҳам талаб қилинади.
Антивирус – Маълумотларни ҳимоялаш зарур, агарда биз маълумотларни йўқотсак, тиклаш жуда қимматга тушади. Бунда ҳимоялашнинг бузилган ёки бепул версиясидан ҳам фойдаланиш мумкин, лекин бугунги кунда ким ҳам бепул яхши иш бажаради? Тўлов миқдори тиклаш учун кетадиган пул миқдори билан таққосланганда арзимаган пулни ташкил қилади, шу боис фақат лицензияланган маҳсулотдан фойдаланинг.
1С – Лицензиланган. Чунки, барча солиқларни ҳисоблаш ва барча ҳисоботларни тузиш амалларини дастур ёрдамида, қўлда эмас, бажаришингиз мумкинлигига кафолат керак. Таъминотчи компания қонунчиликдаги ўзгаришларни кузатиб бориши ва уларни ўз вақтида янгилаб туришига амин бўлишингиз керак. Бундан ташқари, 1C базасини автоматик тарзда захиралаш тартибини созлашингиз зарур.
1C томонидан қўллаб-қувватлаш шартномаси - Маълумотлар базасининг долзарблиги ва операторларнинг маслаҳати талаб қилинади. Бухгалтерларнинг ишнинг бир қисмини қўлда бажаришни бошлашининг сабабларидан бири бу дастурий маҳсулот томонидан амалга ошириладиган қўллаб-қувватлашнинг (ёрдам) етишмаслигидир. 1C ни ўрнатишнинг ўзи етарли эмас, уни қўллаб туриш керак ва бухгалтерга маҳсулот билан боғлиқ пайдо бўлган муаммолар бўйича маслаҳатлар берилиши керак.
Norma дастурий маҳсулоти –Меъёрий ҳужжатларга кириш имкони. Агар сиз бухгалтердан сифатли ишни талаб қилмоқчи бўлсангиз, у ҳолда меъёрий ҳужжатларнинг маълумотлар базасига киришни таъминлашингиз керак, акс ҳолда бухгалтерингизнинг иши орқага тортиб кетади.
Курслар ва семинарлар – Бухгалтерингиз ривожланиши керак. Лекин ҳамма бухгалтерларда ҳам бундай истак йўқ, агарда сизнинг бухгалтерингиз буни истаган ва сиз ундан билим талаб қилган тақдирда, сиз бундай дастур курсларини ўтиш ва уларга қатнашиш учун пул маблағлари ва вақт ажратишингиз керак.
IT (АТ) мутахассиси - бухгалтернинг ишлаши учун e-imzo, e-stat, банк клиент дастурларини ўрнатиш керак. Бухгалтерлар техникани яхши билмаганликлари сабабли сизга IT -мутахассиснинг ёрдами керак бўлади. Мебел - иш жойини ташкил қилиш. Бу алоҳида хона, стол, кресло, ҳужжатларни сақлаш жойи.
Канцелярия буюмлари - бу қоғоз, стиплер, тешгич, папкалар ва бошқалар. Ушбу харажатлар даврийдир.
Ошхона - бухгалтерлар чой ичишни яхши кўришади ва эртами-кечми сиз улар учун кичик ошхона ташкил қилишингизга тўғри келади.
Мебел, техника, ошхонадан ташқари бошқа барча харажатлар ойлик ёки йиллик бўлади, бунга тайёр бўлишингиз керак.
Биз бухгалтерия ишларини ташкил қилдик, керакли жиҳозлар ва дастурий таъминот билан таъминладик, тайёрлаш ва ўқитиш жараёнларини ташкиллаштирдик, бизнинг етакчи мутахассиларимиз тизимли тарзда малака ошириш курсларини олиб борадилар ва 1C хизматларини етказиб берувчилари ва тармоқ администраторлари билан ишни йўлга қўйдик. Биз билан ҳамкорлик қилиб, сиз келишилган муддатларда ишга туширишга тайёр бўлган йўлга қўйилган бизнес жараёнларга эга бўласиз.